اردو ورلڈ کینیڈا ( ویب نیو ز ) ہم لوگ جو کچھ کھاتے ہیں اس کا براہ راست اثر ہماری نفسیات پر پڑتا ہے۔

محقق ڈاکٹر ڈینیئل ایمن نے کہا کہ الٹرا پروسیسڈ فوڈز کا زیادہ استعمال ڈپریشن کے خطرے کو نمایاں طور پر بڑھا سکتا ہے۔ڈاکٹر ڈینیئل نے دماغی افعال اور مزاج کے استحکام کو برقرار رکھنے میں معدے کی صحت کی اہمیت پر زور دیا۔انہوں نے کہا کہ دماغی صحت کے لیے آپ کے معدے اور آنتوں کی صحت اہم ہے۔ اگر آپ کی خوراک الٹرا پروسیسڈ فوڈ ڈائیٹ ہے تو آپ کے ڈپریشن کا خطرہ بڑھ جاتا ہے۔
سائنسدانوں نے طویل عرصے سے گٹ برین کنکشن کا مطالعہ کیا ہے، ایک پیچیدہ مواصلاتی نظام جس میں معدے اور آنتوں میں موجود بیکٹیریا دماغی افعال کو متاثر کرتے ہیں اور اس کے برعکس۔تناؤ ہاضمے میں خلل ڈالتا ہے جب کہ ناقص خوراک گٹ مائکرو بائیوٹا کو بدل سکتی ہے اور اس کے نتیجے میں موڈ اور دماغی تندرستی متاثر ہوتی ہے۔