اردوورلڈ کینیڈا ( ویب نیوز )نگران وزیراعظم انوارالحق کاکڑ کا کہنا ہے کہ رواں سال 9 مئی کو ملک میں جو کچھ ہوا وہ بغاوت اور خانہ جنگی کی جانب ایک کوشش تھی۔
نجی ٹی وی کے پروگرام میں گفتگو کرتے ہوئے انوار الحق کاکڑ نے کہا کہ 9 مئی کے واقعات کا ہدف موجودہ آرمی چیف اور ان کی ٹیم تھی۔

انوار الحق کاکڑ نے کہا کہ وہ یہ تاثر نہیں دینا چاہتے کہ 9 مئی کے ملزمان کے خلاف کوئی انتقامی کارروائی ہو رہی ہے لیکن اگر ملکی قوانین کی خلاف ورزی کرنے پر آمادہ جماعت کے خلاف قانون کے مطابق کارروائی نہیں کی گئی تو تشددبڑھےگا
اس کے علاوہ انوار الحق کاکڑ نے کہا کہ بجلی کوئی ایسا ایشو نہیں جس پر پہیہ جام ہڑتال ہو اور ہمیں اس طبقے سے بہت ہمدردی ہے جو بجلی کے بلوں کا بوجھ ہے۔
انہوں نے کہا کہ رات کو دکانیں بند کرنے کا فیصلہ صوبوں کو اعتماد میں لے کر کیا جائے گا اور فیصلے پر عملدرآمد جلد دیکھا جائے گا۔