اردو ورلڈ کینیڈا (ویب نیوز )عمران خان سے مونس الٰہی کی ملاقات ہوئی جس میں پنجاب کی سیاسی صورتحال پر تفصیلی تبادلہ خیال کیا گیا۔

دونوں رہنماؤں کے درمیان عمران خان کی رہائش گاہ بنی گالہ میں ملاقات ہوئی جس میں پنجاب کابینہ کی تشکیل اور حکومت کے دیگر امور پر تبادلہ خیال کیا گیا۔

ذرائع کا کہنا ہے کہ ملاقات میں عوام کو ریلیف دینے کے اقدامات پر بھی تبادلہ خیال کیا گیا۔

ذرائع کے مطابق عمران خان نے پنجاب کابینہ میں دوسرے مرحلے میں ق لیگ کو نمائندگی دینے کا فیصلہ کیا ہے۔

ذرائع کے مطابق مونس الٰہی نے ملاقات میں عمران خان سے کہا کہ آپ نے ہمیں وزیراعلیٰ پنجاب بنادیا، مزید کچھ نہیں چاہیے۔