اردوورلڈکینیڈا(ویب نیوز)سابق وزیر اعظم عمران خان کی ہمشیرہ علیمہ خانم نے اپنے بھائی کی بیٹوں سے فون پر ہونے والی گفتگو کی تفصیلات میڈیا کے سامنے بتائیں۔

اڈیالہ جیل کے گور کھپور ناکہ پر میڈیا سے بات کرتے ہوئے علیمہ خانم نے کہا کہ عمران خان کی بیٹوں سے بات کروائی گئی، جنہوں نے بتایا کہ والد کی متاثرہ آنکھ میں تھوڑی بہت بہتری آئی ہے۔

علیمہ خانم کے مطابق، سابق وزیر اعظم نے خود اپنے بیٹوں کو بتایا کہ ان کی آنکھ میں بہتری آئی ہے، لیکن فیملی کو خدشہ ہے کہ دوسری آنکھ متاثر نہ ہو جائے۔ انہوں نے کہا کہ ڈاکٹرز نے بانی پی ٹی آئی کو بتایا ہے کہ متاثرہ آنکھ میں بہتری آئی ہے، مگر فیملی کو معلوم نہیں کہ علاج کیا ہو رہا ہے اور کتنی بہتری واقع ہوئی ہے۔

علیمہ خانم نے مزید الزام لگایا کہ حکومت چھپ چھپا کر سابق وزیر اعظم کو اسپتال منتقل کر دیتی ہے اور فیملی کو آگاہ کرنے کی زحمت بھی نہیں کرتی۔