ارد و ورلڈ کینیڈا (ویب ڈیسک) خدشہ ظاہر کیا جا رہا ہے کہ تحریک انصاف کے مرکزی رہنما شہباز گل کو رہائی کے بعد اہم عہدہ مل جائے گا۔

ذرائع کے مطابق چیئرمین تحریک انصاف عمران خان نے شہباز گل کو اعلیٰ عہدہ دینے کے لیے وزیراعلیٰ پنجاب چوہدری پرویز الٰہی سے بات کی ہے۔
شہباز گل رہائی کے بعد لاہور پہنچ گئے ہیں۔ ذرائع کے مطابق شہباز گل آئندہ چوبیس گھنٹوں میں وزیراعلیٰ پنجاب پرویز الٰہی سے اہم ملاقات کریں گے۔ شہباز گل کی تعیناتی کا نوٹیفکیشن جاری ہونے کا امکان ہے۔ پارٹی ذرائع کے مطابق پی ٹی آئی رہنما کو پنجاب میں وزیر اعلیٰ کا معاون خصوصی برائے اطلاعات مقرر کیا جا سکتا ہے۔