اردو ورلڈ کینیڈا ( ویب نیوز ) ہر شادی شدہ جوڑے کی زندگی میں بہت کچھ مشترک ہوتا ہے، ان میں سے کچھ کے چہرے بھی ایک دوسرے سے ملتےجلتے ہیں۔یہ شادی کے بعد کا اثر ہے لیکن اب سائنسدانوں نے انکشاف کیا ہے کہ لوگ شریک حیات کا انتخاب کرتے وقت کیا چیز دیکھتے ہیں۔امریکا کی فلوریڈا یونیورسٹی کی تحقیق میں یہ بات سامنے آئی ہے کہ ہم ان لوگوں سے شادی کو ترجیح دیتے ہیں جو خوبصورتی کے لحاظ سے ہم سے ملتے جلتے ہوں۔اس تحقیق میں 1300 جوڑوں کو شامل کیا گیا۔تحقیق سے معلوم ہوا کہ انفرادی طور پر مرد اور خواتین اپنی خوبصورتی یا دلکشی کے بارے میں زیادہ آگاہ ہوتے ہیں لیکن جوڑے بھی اپنی خوبصورتی کے بارے میں ایک جیسے تصورات رکھتے ہیں۔مثال کے طور پر، جو مرد اپنے آپ کو پرکشش سمجھتے ہیں وہ ان خواتین کو پسند کرتے ہیں جو ان جیسے خیالات رکھتی ہیں۔
یہ بھی پڑھیں
چین میں انوکھی شادی،دولہا، دلہن کو سلامی کے بجائے ہرمہمان کو 2لاکھ روپے دئیے گئے
ان نتائج کا موازنہ 27 تحقیقی رپورٹس کے نتائج سے کیا گیا۔ان تحقیقی رپورٹس میں دیکھا گیا کہ پرکشش شادی شدہ جوڑے ایک دوسرے کو کس طرح درجہ دیتے ہیں۔ان رپورٹس کے نتائج بھی نئی تحقیق کے نتائج سے ملتے جلتے تھے اور محققین کا کہنا تھا کہ وقت گزرنے کے باوجود دنیا بھر کی ثقافتوں میں لوگ جن چیزوں کو پرکشش سمجھتے ہیں ان کے بارے میں تاثرات تبدیل نہیں ہوئے ہیں۔تحقیق سے پتا چلا ہے کہ مردوں کی اپنی خوبصورتی کے بارے میں تصورات زیادہ درست ہیں کیونکہ وہ زیادہ حقیقت پسندانہ ہوتے ہیں۔اس تحقیق کے نتائج جریدے Personality and Individual Differences میں شائع ہوئے۔
