اردو ورلڈ کینیڈا ( ویب نیوز )پی ٹی آئی کے سابق جنرل سیکرٹری اسد عمر نے کہا ہے کہ جہانگیر ترین نے ان سے رابطہ نہیں کیا۔

اسد عمر نے اسلام آباد ڈسٹرکٹ کورٹ میں پیشی کے موقع پر صحافیوں سے غیر رسمی گفتگو کی۔
صحافی نے سوال کیا کہ کیا آپ جہانگیر ترین کی پارٹی میں ہوں گے؟ اس پر اسد عمر نے کہا کہ میرا جہانگیر ترین سے کیا تعلق ہے؟

 فواد چوہدری نے پی ٹی آئی چھوڑ دی،اسد عمر کا پارٹی چھوڑنے سے انکار، تحریک انصاف کے عہدے چھوڑ دئیے 

صحافی نے سوال کیا کہ کیا جہانگیر ترین نے آپ سے رابطہ کیا؟ اس پر اسد عمر نے کہا کہ نہیں، جہانگیر ترین نے ابھی تک کوئی رابطہ نہیں کیا۔
انہوں نے کہا کہ مجھے جیل سے آئے ہوئے 7 سے 8 دن ہوگئے ہیں، عدالتوں کے چکر لگا رہا ہوں، فواد چوہدری وقتاً فوقتاً مجھ سے رابطے میں رہتے ہیں۔
صحافی نے اسد عمر سے سوال کیا کہ فیصل واوڈا کس ایجنڈے پر ہیں؟ انہوں نے جواب دیا کہ یہ سوال فیصل واوڈا سے پوچھیں۔