برطانوی اخبار کی رپورٹ کے مطابق اس سال کے سروے میں یہ بات بھی سامنے آئی ہے کہ برطانیہ میں مسلم خاندانوں میں نومولود بچوں کے نام رکھنے کا رجحان کسی بھی دوسرے نام سے زیادہ ہے۔سروے کے اعداد و شمار سے پتہ چلتا ہے کہ ہر 100 میں سے 24 بچوں کا نام محمد رکھا گیا ہے جبکہ دیگر ناموں میں علی، احمد، عبداللہ، موسیٰ، عمر اور حمزہ شامل ہیں۔لڑکیوں کے سب سے مشہور نام فاطمہ، مریم، عائشہ اور زہرہ تھے۔ اس سال لیلیٰ کا نام بھی والدین میں بہت مقبول رہا۔یاد رہے کہ محمد کئی سالوں سے برطانیہ میں سب سے زیادہ مقبول نام رہا ہے اور زیادہ تر والدین اپنے بچوں کے ناموں میں محمد کا اضافہ کرنا ضروری سمجھتے ہیں۔