74
اردو ورلڈ کینیڈا ( ویب نیوز ) امریکی ریاست ورجینیا میں ایک عجیب واقعہ پیش آیا جب آسمان پر سیاہ حلقہ نمودار ہوا۔ولیمزبرگ کے علاقے میں ایک پراسرار سیاہ دائرے کو آسمان پر تیرتے ہوئے دیکھے جانے کے بعد ورجینیا کے متعدد رہائشیوں نے آسمان میں سیاہ دائرے کی ویڈیو ریکارڈ کی۔کئی عینی شاہدین نے صبح 11 بجے کے فوراً بعد آسمان میں ایک سیاہ حلقہ دیکھنے کی اطلاع دی، اور بہت سے لوگوں نے اس غیر معمولی واقعے کی تصاویر اور ویڈیوز سوشل میڈیا پر شیئر کیں۔
تاہم چند منٹوں کے بعد حلقہ غائب ہو گیا۔ خیال رہے کہ اس سے قبل بھی دیگر مقامات پر ایسے ہی سیاہ حلقے دیکھے گئے ہیں، جن کی وجہ آگ لگنے اور چھوٹے دھماکوں کو قرار دیا گیا ہے۔جیمز سٹی کاؤنٹی کے فائر ڈپارٹمنٹ نے کہا کہ انہیں ایسے کسی بھی واقعے کی رپورٹ موصول نہیں ہوئی ہے جس کی وجہ سے یہ دائرہ ہو سکتا ہے۔
