Imran 
اردو ورلڈ کینیڈا ( ویب نیوز ) کسی بھی خوشی کے موقع پر آتش بازی عام زندگی کا ایک حصہ بن چکا ، اسے خوشی کے اظہار کا ایک ذریعہ سمجھا جاتا ہے ،کیا آپ نے کبھی سوچا ہے کہ آتش بازی کو اتنا رنگین کیسے بنایا جاتا ہے؟ اس کے پیچھے کیا سائنس ہے ۔ہر آتش بازی میں دھاتوں اور نمکیات کا ایک مخصوص مجموعہ ہوتا ہے جو اس بات کا تعین کرتا ہے کہ آتش بازی کے پھٹنے پر آسمان میں کون سے رنگ نمودار ہوں گے۔چونکہ آتش بازی میں دھاتی سٹرونٹیم سرخ رنگ خارج کرتا ہے.
بیریم چمکدار سبز رنگوں کے لیے ذمہ دار ہے اور تانبا نیلے رنگوں کا مجموعہ پیدا کرتا ہے۔اسی طرح، کلورین کچھ رنگوں کو چمکانے کا باعث بنتی ہے، پوٹاشیم نائٹریٹ اور سلفر آتش بازی کو بھڑکانے میں مدد کرتے ہیں، اور کلوریٹ اور نائٹریٹ رنگین دھماکوں کے لیے آکسیجن فراہم کرتے ہیں۔رنگوں کو زیادہ وسیع پیمانے پر پھٹنے میں مدد کے لیے ان دھاتوں اور نمکیات میں دیگر مرکبات بھی شامل کیے جاتے ہیں۔اسی طرح کی سائنس زمین کے مدار میں داخل ہونے والے شہابیوں پر لاگو ہوتی ہے۔ جیسے ہی وہ مدار میں داخل ہوتے ہیں، ان کی کیمیائی ساخت ان کے مختلف رنگوں میں چمکنے کا سبب بنتی ہے۔
