ارد و ورلڈ کینیڈا ( ویب نیوز ) امریکا نے اسرائیل کو 7 ارب ڈالر مالیت کا اسلحہ فروخت کرنے کا اعلان کیا ہے۔

ٹرمپ انتظامیہ کی قیادت میں نئی ​​امریکی حکومت نے اسرائیل کو 7 ارب ڈالر کے ہتھیار فروخت کرنے کا اعلان کیا ہے۔ امریکی میڈیا کے مطابق محکمہ خارجہ نے کانگریس کے جائزے کے بغیر اسرائیل کو ہتھیار فروخت کرنے کا اعلان کیا۔ رپورٹ کے مطابق اسرائیل کو فروخت کیے جانے والے ہتھیاروں میں ہزاروں ہیل فائر میزائل اور بم شامل ہیں۔ امریکی میڈیا کے مطابق اسلحے کی فروخت کا اعلان اسرائیلی وزیراعظم کی صدر ٹرمپ اور دیگر حکام سے ملاقات کے بعد کیا گیا۔واضح رہے کہ بائیڈن انتظامیہ نے اس سے قبل اسرائیل کو 20 ارب ڈالر کا اسلحہ فروخت کرنے کی منظوری دی تھی۔