Imran 
اردو ورلڈ کینیڈا ( ویب نیوز ) واٹس ایپ نے مئی 2024 میں ایونٹس فار کمیونٹیز کے نام سے ایک فیچر متعارف کرایا تھا۔یہ فیچر اب ان گروپس کے لیے رول آؤٹ کیا جا رہا ہے جو کمیونٹی کا حصہ نہیں ہیں۔میٹا کی ملکیت والی میسجنگ ایپ کا یہ نیا فیچر صارفین کو گروپ چیٹ کے دوران ایونٹس ترتیب دینے میں مدد دے گا۔اس کا مطلب ہے کہ صارفین کے لیے ایک ساتھ کسی کام یا ایونٹ کی منصوبہ بندی کرنا آسان ہو جائے گا اور اس کے لیے دیگر ایپس کی ضرورت نہیں پڑے گی۔
یہ بھی پڑھیں
واٹس ایپ کا ایسا فیچر جو کالنگ کو بدل دے گا
WABetaInfo کی اطلاع ہے کہ یہ فیچر ابھی WhatsApp کے اینڈرائیڈ بیٹا (بیٹا) ورژن میں متعارف کرایا گیا ہے۔کوئی بھی شخص کسی بھی گروپ چیٹ میں ایونٹ کا فیچر استعمال کرسکتا ہے اور گروپ میں موجود ہر شخص اسے دیکھ سکتا ہے۔ایونٹس کو ہر گروپ کے انفارمیشن پیج پر بھی رکھا جائے گا، جب کہ ایونٹ کی تاریخ قریب آنے پر گروپ صارفین کو ایک نوٹیفکیشن کے ذریعے مطلع کیا جائے گا۔گروپ چیٹ میں پیپر کلپ آئیکن پر کلک کرکے ایونٹس تک رسائی حاصل کی جاسکتی ہے۔گروپ ایونٹس اینڈ ٹو اینڈ انکرپٹڈ ہوں گے۔جیسا کہ اوپر بتایا گیا ہے کہ یہ فیچر صرف بیٹا ورژن میں متعارف کرایا گیا ہے اس لیے یہ کہنا مشکل ہے کہ یہ کب تک تمام صارفین کے لیے دستیاب ہوگا۔
