اردو ورلڈ کینیڈا ( ویب نیوز ) میسجنگ پلیٹ فارم واٹس ایپ نے اپنے صارفین کی سیکیورٹی کے لیے متعدد اقدامات کیے ہیں۔ ان اضافی حفاظتی اقدامات میں گوگل ڈرائیو بیک اپ کی دو فیکٹر تصدیق اور انکرپشن شامل ہے۔

چند روز قبل میٹا کے ذیلی ادارے نے صارفین کو ہیکرز سے بچانے کے لیے اکاؤنٹ پروٹیکٹ اور ڈیوائس کی تصدیق متعارف کرائی تھی۔صارفین کی سیکیورٹی کو مزید بڑھانے کے لیے واٹس ایپ نے اب اکاؤنٹ کی تصدیق کے لیے ای میل ایڈریس شامل کرنے کا فیصلہ کیا ہے۔

فی الحال صارف کا فون نمبر واٹس ایپ اکاؤنٹ سے منسلک ہے۔ نمبر بلاک ہونے کی صورت میں صارف اپنا اکاؤنٹ کھو سکتا ہے۔ اس مسئلے سے بچنے کے لیے میسجنگ سروس ایک نئے فیچر پر کام کر رہی ہے جس کی مدد سے اکاؤنٹ کی تصدیق کے لیے ای میل ایڈریس کا استعمال کیا جا سکے گا۔

یہ بھی پرھیں

واٹس ایپ کا کال کا معیار کو بہتر بنانے کا فیصلہ

واٹس ایپ بیٹا کی معلومات کے مطابق یہ فیچر اختیاری ہو گا اور چونکہ یہ ابھی تک ترقی کے مراحل میں ہے، اس لیے اس کی ریلیز اور یہ کیسے کام کرے گی کے بارے میں محدود معلومات ہیں۔واٹس ایپ کے ذریعے ای میل کی تصدیق کا فیچر فی الحال واٹس ایپ بیٹا صارفین کے لیے جاری کیا گیا ہے۔ تاہم اس فیچر کو عام صارفین کے لیے متعارف کروانے کے لیے کسی حتمی تاریخ کا اعلان نہیں کیا گیا ہے۔