اردو ورلڈ کینیڈا (ویب نیوز ( ای پاسپورٹ کے اجراء کے لیے فیس شیڈول جاری، شیڈول کا اعلان وفاقی حکومت کی منظوری سے کیا گیا ہے۔ فیس کا شیڈول ڈپلومیٹک، آفیشل اور عام کیٹیگری کے لوگوں کے لیےجاری کیا گیا، ای پاسپورٹ موجودہ پاسپورٹ کی مدت کے اختتام پر عام شہریوں کو جاری کیے جائیں گے۔
ابتدائی طور پر ای پاسپورٹ کا اجراء صرف اسلام آباد سے شروع کیا جا رہا ہے، ملک کے دیگر شہروں میں بھی ای پاسپورٹ کے اجراء کی تاریخ کا بتدریج اعلان کیا جائے گا۔ 36 صفحات کے 5 سالہ ای پاسپورٹ کی نارمل فیس 9,000، ارجنٹ فیس 15,000 ،36 صفحات کے 10 سالہ پاسپورٹ کی نارمل فیس 13,500، ارجنٹ فیس 22,500 روپے ہے ۔
72 صفحات کے 5 سالہ ای پاسپورٹ کی نارمل فیس۔ 16,500 ارجنٹ فیس 27,500 ہے، 72 صفحات کا 10 سالہ ای پاسپورٹ کی نارمل فیس 24 ہزار 750، ارجنٹ فیس 40 ہزار 500 روپے ہوگی۔
فیس نیشنل بینک، موبائل ایپ، موبی کیش اور ایزی پیسہ کے ذریعے بھی ادا کی جا سکتی ہے۔
