اردو ورلڈ کینیڈا ( ویب نیوز)پاکستان کرکٹ ٹیم کے فاسٹ بولر حارث رؤف نے اپنی ہم جماعت سے شادی کرنے کا فیصلہ کر لیا ہے۔

ذرائع کے مطابق ان کی شادی کی تقریب ہفتہ 24 دسمبر کو اسلام آباد میں ہوگی۔

حارث رؤف کا کہنا ہے کہ ان کی ہونے والی دلہن ہم جماعت ہے، رخصتی اگلے سال ہوگی۔

پاکستان کرکٹ ٹیم کے فاسٹ بولر حارث رؤف ان دنوں کرکٹ سے دور ہیں، وہ فٹنس مسائل کے باعث بحالی کے مراحل سے گزر رہے ہیں۔

یاد رہے کہ اس سے قبل ایک انٹرویو میں فاسٹ بولر نے بتایا تھا کہ وہ جلد شادی کرنے والے ہیں۔

جیون ساتھی کے حوالے سے پوچھے گئے سوال کے جواب میں حارث رؤف نے کہا کہ میں ایسی لڑکی سے شادی کرنا چاہوں گا جو سادہ ہو اور میری کرکٹ میں دلچسپی نہیں بلکہ مجھ میں دلچسپی رکھتی ہو

دوسری جانب شاہین اور شاہد آفریدی کی بیٹی کی شادی کی تاریخ بھی سامنے آگئی ہے۔

شاہین آفریدی کی شادی 3 فروری کو سپر اسٹار شاہد خان آفریدی کی بیٹی انشا آفریدی سے ہو رہی ہے۔دونوں کی منگنی دو سال قبل ہوئی تھی۔