اردو ورلڈ کینیڈا ( ویب نیوز ) اکثر لوگ یہ سوال پوچھتے ہیں کہ اسمارٹ فون کو کب چارج کرنا بہتر ہے۔
کیا بیٹری کے مکمل ختم ہونے کا انتظار کیا جائے یا آدھی رہنے پر ہی چارج لگایا جائے؟ ماہرینِ ٹیکنالوجی کے مطابق، اس سوال کا سائنسی اور درست جواب ہےبیٹری کو آدھی ختم ہونے سے پہلے چارج کریں۔ماہرین کا کہنا ہے کہ آج کل تقریباً تمام اسمارٹ فونز میں لیتھیئم آئن (Lithium-ion) یا لیتھیئم پولیمر (Lithium Polymer) بیٹریاں استعمال ہوتی ہیں۔ ان بیٹریوں کو 0 فیصد تک خالی کرنا نقصان دہ ثابت ہوتا ہے کیونکہ اس سے بیٹری کے "چارج سائیکل” یعنی زندگی کا دورانیہ تیزی سے کم ہو جاتا ہے۔
مزید یہ کہ جب بیٹری مکمل طور پر خالی ہو جاتی ہے تو اندرونی کیمیائی اجزاء میں خرابی پیدا ہونے لگتی ہے، خاص طور پر اگر فون کا درجہ حرارت زیادہ ہو۔ اس سے بیٹری مستقل طور پر کمزور ہو سکتی ہے۔
ٹیکنالوجی ماہرین کے مطابق، اسمارٹ فون بیٹری کے لیے بہترین چارجنگ رینج 20 فیصد سے 80 فیصد کے درمیان ہے۔
کوشش کریں کہ بیٹری کو کبھی 0 فیصد تک نہ پہنچنے دیں۔⚡ اور جب بیٹری 100 فیصد ہو جائے تو طویل وقت تک چارج پر نہ چھوڑیں — مثلاً پوری رات۔ماہرین کا مشورہ ہے کہ جب بیٹری 30 سے 40 فیصد رہ جائے تو چارجنگ شروع کریں اور 80 سے 90 فیصد پر چارجر ہٹا دیں۔
اگر رات کو چارج کرنا ضروری ہو تو اپنے فون کی Optimized Charging” فیچر کو فعال رکھیں، جو جدید فونز جیسے iPhone، Samsung، وغیرہ میں دستیاب ہے۔ یہ فیچر بیٹری کو مکمل چارج پر زیادہ دیر تک رکھنے سے بچاتا ہے۔اس کے علاوہ، فون گرم ماحول میں چارج کرنے سے گریز کریں کیونکہ زیادہ درجہ حرارت بیٹری کے خلیات کو نقصان پہنچاتا ہے اور کارکردگی متاثر ہوتی ہے۔
