اداکار نے انسٹاگرام پر ‘ڈنکی ڈراپ 4’ کے نام سے ٹریلر جاری کیا جس میں لیجنڈری ہدایت کار راجکمار ہیرانی کی میٹھی اور کھٹی دنیا عوام کے سامنے ہے۔
‘ڈنکی کی کہانی اداکار کے پنجاب کے ایک گاؤں میں داخل ہونے سے شروع ہوتی ہے جہاں چار دوست لندن جانے کے لیے تیار ہیں لیکن انہیں قانونی مسائل کا سامنا ہے۔
راجکمار ہیرانی نے کامیڈی اور جذبات کے امتزاج سے پانچ دوستوں کے لندن کے غیر قانونی سفر کو ایک یادگار تجربے میں بدل دیا ہے۔
‘ڈنکی محبت اور دوستی کی کہانی ہے جسے جذباتی کہانی اور مزاحیہ مناظر کے ساتھ ناظرین کے سامنے پیش کیا جائے گا۔
فلم میں شاہ رخ خان کے ساتھ تاپسی پنو، بومن ایرانی، وکی کوشل، وکرم کوچر اور انیل گروور شامل ہیں۔
یہ فلم ایک کامیڈی ڈرامہ ہے جو غیر قانونی طور پر بیرون ملک سفر کرنے والے لوگوں کے مسائل پر مبنی ہے اور اسے 21 دسمبر کو دنیا بھر میں ریلیز کیا جائے گا۔
