اردو ورلڈ کینیڈا( ویب نیوز )سعودی عرب میں رمضان المبارک 2023 کا پہلا روزہ 23 مارچ جمعرات کو ہونے کا امکان ہے اس حساب سے پاکستان میں 24مارچ کو یکم رمضان المبارک ہوسکتا ہے
عرب میڈیا رپورٹ کے مطابق سعودی عرب کی القاسم یونیورسٹی کے فلکیات کے سابق پروفیسر اور میٹرولوجیکل سوسائٹی کے ڈپٹی چیئرمین ڈاکٹر عبداللہ المسند نے بتایا کہ اس سال ماہ مبارک کا پہلا روزہ 23 مارچ 2023 بروز جمعرات کوہونے کا امکان ہے۔
ڈاکٹر عبداللہ المسند کہتے ہیں کہ اس مرتبہ شعبان 30 دن کا ہوگا کیونکہ 29 شعبان کو
(21 مارچ منگل، چاند غروب آفتاب سے تقریبا 9 منٹ پہلے غروب ہو جائے گا۔
انہوں نے کہا کہ چاند اور سورج کی ملاقات 29 شعبان کی شام یعنی 21 مارچ کی رات 8 بجکر 23 منٹ پر ہوگی، اس لیے رمضان المبارک کا پہلا روزہ 23 مارچ کو ہونے کا امکان ہے۔
اس سے قبل متحدہ عرب امارات میں فلکیاتی ایسوسی ایشن کے سربراہ ابراہیم الجروان نے بھی کہا تھا کہ اس سال رمضان المبارک کا پہلا روزہ جمعرات 23 مارچ کو ہونے کا امکان ہے جب کہ عید الفطر جمعہ کو ہونے کا امکان ہے
سعودی حکومت کے مطابق رمضان المبارک کا چاند 21 مارچ کو غروب آفتاب کے وقت نظر آئے گا۔
