اردوورلڈ کینیڈا ( ویب ن یوز)پنجاب میں موسم انتہائی گرم اور خشک ہونے کے بعد متعلقہ محکمے کی جانب سے ہیٹ ویو الرٹ جاری کر دیا گیا ہے۔.محکمہ موسمیات کے مطابق لاہور سمیت صوبے بھر میں خشک موسم جاری ہے جبکہ گرمی کی شدت میں بھی بتدریج اضافہ ہوا ہے اور رات کے ساتھ ساتھ دن میں بھی گرمی بڑھ رہی ہے۔.
صوبائی دارالحکومت لاہور میں کم از کم درجہ حرارت 23 ڈگری تک پہنچ گیا جبکہ زیادہ سے زیادہ 40 ڈگری تک پہنچنے کا امکان ہے۔.ماہرین موسمیات نے کہا ہے کہ 10 سے 11 اپریل کے درمیان لاہور اور پنجاب کے کچھ اضلاع میں بادل کا نظام داخل ہو جائے گا اور پنجاب میں کم دباؤ والے بادل کے نظام کے داخل ہونے پر ہلکی بارش کا امکان ہے۔.
محکمہ موسمیات کا کہنا ہے کہ ہلکی بارش سے لاہور اور پنجاب کے کچھ اضلاع میں گرمی کی شدت میں کمی متوقع ہے۔.دوسری جانب پی ڈی ایم اے نے گرمی کی لہر کے خطرے کے پیش نظر رہنما خطوط پر مبنی الرٹ جاری کیا ہے جس میں ضلعی انتظامیہ کو ہدایت کی گئی ہے کہ وہ کسی بھی ممکنہ ہنگامی صورتحال سے نمٹنے کے لیے تیار رہے۔. ڈی جی پی ڈی ایم اے کے مطابق اس ماہ پنجاب میں درجہ حرارت میں 4 سے 7 ڈگری اضافے کا خطرہ ہے۔. بڑے شہر، میدانی علاقے اور خاص طور پر جنوبی پنجاب کے اضلاع شدید گرمی کی لپیٹ میں آنے کے خطرے سے دوچار ہیں۔.پی ڈی ایم اے نے ضلعی انتظامیہ کو ہدایت کی ہے کہ وہ مساجد میں ہیلپ لائن نمبروں اور اعلانات کے ذریعے عوامی بیداری کی مہم چلائے ۔
