اردو ورلڈ کینیڈا ( ویب نیوز ) آئی ایم ایف کا وفدروا ں ماہ میں پاکستا ن کا دورہ کریگا ، کہ آئی ایم ایف کا وفد خزانہ، تجارت، توانائی اور صنعت و پیداوار کے حکام سے ملاقات کرے گا، آئی ایم ایف کا وفد ایف بی آر، اسٹیٹ بینک، نیپرا اور اوگرا کے حکام سے بھی ملاقات کرے گا۔سخت شرائط کے نفاذ پر رضامندی ظاہر کرتے ہوئے حکومت نے آئی ایم ایف کا جائزہ مشن بلایا،ذرائع کا کہنا ہے کہ آئی ایم ایف کا وفد چاروں صوبائی دارالحکومتوں کا بھی دورہ کرے گا۔
یہ بھی پڑھیں
قیمتوں میں اضافہ پر اختلافات،آئی ایم ایف کے جائزہ مشن کی تاریخ طے نہ ہو سکی
دورے کے دوران وفد پروگرام کے نویں جائزے کے بعد سفارشات پیش کرے گا۔واضح رہے کہ آئی ایم ایف کی سخت شرائط پر عملدرآمد کے حوالے سے وزیراعظم کی منظوری کے بعد پاکستان نے سیکریٹری خزانہ کے ذریعے آئی ایم ایف کو تحریری درخواست بھیجی ہے کہ وہ اپنا جائزہ مشن آئندہ ہفتے اسلام آباد بھیجے تاکہ تعطل کا خاتمہ ہوسکے ۔
صحافیوں کے ایک گروپ سے بات کرتے ہوئے اعلیٰ سینئر حکام نے تصدیق کی کہ وزیراعظم نے دوسرے روز لاہور سے آن لائن ایک اعلیٰ سطحی اجلاس کی صدارت کی جس میں یہ فیصلہ کیا گیا کہ آئی ایم ایف کا جائزہ مشن اسلام آباد کا دورہ کرے گا۔
