اردوورلڈ کینیڈا ( ویب نیوز )عالمی شہرت یافتہ بھارتی کامیڈین کپل شرما نے اپنے پروگرام ‘دی کپل شرما شو کے ٹکٹ کی قیمت کے بارے میں انکشاف کیا ہے۔
دی کپل شرما شو نہ صرف بھارت بلکہ کئی ممالک میں مقبول ہے جن میں سے ایک پاکستان بھی ہے۔
پروگرام میں بھارتی اداکاروں کے ساتھ ساتھ پاکستانی اداکاروں، کرکٹرز اور گلوکاروں نے بھی شرکت کی، اس کے علاوہ کئی غیر ملکی کرکٹرز اور دیگر کھلاڑی بھی اس شو کا حصہ بنے۔
حال ہی میں بھارتی سوشل میڈیا پر یہ افواہ پھیلی تھی کہ دی کپل شرما شو کے ٹکٹ کی قیمت 4999 روپے ہے جس کے بارے میں خود کپل شرما نے وضاحت دی ہے۔
سوشل میڈیا پلیٹ فارم ایکس (ٹوئٹر) پر دی کپل شرما شو کے ایک مداح نے ایک اشتہار شیئر کیا جس میں دعویٰ کیا گیا کہ ‘دی کپل شرما شو لائیو کو مفت کھانا دیا جاتا ہے جبکہ شو کے ٹکٹ کی قیمت 4999 روپے ہے
Sir it’s a fraud. we never charge our audiences a single penny to see the live shoot, pls beware of these kind of fraud people 🙏 thank you https://t.co/j2DN2Ijo9X
— Kapil Sharma (@KapilSharmaK9) September 13, 2023
اس ٹوئٹ پر کپل شرما نے اپنے شو کے ٹکٹوں سے متعلق افواہوں کی وضاحت کی۔
کپل نے سوشل میڈیا پر گردش کرنے والی پوسٹ پر ردعمل دیتے ہوئے کہا، ‘سر یہ ایک فراڈ ہے، ہم اپنے ناظرین سے لائیو شوٹ دیکھنے کے لیے ایک پیسہ بھی نہیں لیتے، براہ کرم اس قسم کے دھوکہ بازوں سے ہوشیار رہیں۔ شکریہ
واضح رہے کہ دی کپل شرما شو رواں سال جولائی کے مہینے سے بند ہے لیکن اس کے باوجود اس شو کے اپنے ناظرین ہیں جو اب بھی اس کی پرانی قسطیں دیکھ کر لطف اندوز ہوتے ہیں۔
