اردو ورلڈ کینیڈا ( ویب نیوز ) بھارتی فاسٹ باؤلر جسپریت بمراہ کی آئی سی سی چیمپئنز ٹرافی میں شرکت کا حتمی فیصلہ آج کیا جائے گا۔
اسکواڈ کے حتمی اعلان سے قبل بھارتی ٹیم کے سلیکٹرز بمراہ کی دستیابی کے حوالے سے بی سی سی آئی کے طبی عملے سے مشاورت کریں گے جس کے بعد فیصلہ کیا جائے گا۔اس سے قبل یہ اطلاع ملی تھی کہ 31 سالہ فاسٹ باؤلر ایک یا دو دن میں پریکٹس شروع کر دے گا۔واضح رہے کہ آسٹریلیا کے حالیہ دورے کے اختتام پر بمراہ کو کمر میں درد ہوا تھا جس کی وجہ سے وہ سڈنی میں پانچویں ٹیسٹ کی دوسری اننگز میں باؤلنگ نہیں کر سکے۔بارڈر گواسکر ٹرافی کے دوران، بمراہ نے 5 ٹیسٹ میچوں میں مجموعی طور پر 151.2 اوورز کرائے اور وہ 32 وکٹوں کے ساتھ سب سے کامیاب بولر رہے۔ب
ھارتی میڈیا رپورٹس میں کہا گیا ہے کہ اگر بمراہ کو گریڈ 1 میں چوٹ لگی ہے تو ان کی صحت یابی میں 2 سے 3 ہفتے لگ سکتے ہیں۔. گریڈ 2 کی چوٹ کی صورت میں، بمراہ کی صحت یابی میں 6 ہفتے لگ سکتے ہیں، جبکہ گریڈ 3 کی چوٹ انہیں 3 ماہ تک کھیل سے باہر رکھ سکتی ہے۔بمراہ کو انگلینڈ کے خلاف ون ڈے سیریز کے لیے ٹیم میں شامل کیا گیا ہے، لیکن انھوں نے کوئی میچ نہیں کھیلا، جب کہ انھیں چیمپئنز ٹرافی کے لیے عارضی 15 رکنی اسکواڈ میں بھی شامل کیا گیا ہے۔
