آئی جی پنجاب ڈاکٹر عثمان انور نے چیئرمین پنجاب انفارمیشن ٹیکنالوجی بورڈ فیصل یوسف کے ہمراہ پولیس سروس سنٹر لبرٹی کا دورہ کیا، آئی جی کا کہنا تھا کہ لرنر اور ریگولر ڈرائیونگ لائسنس، انٹرنیشنل ڈرائیونگ لائسنس اور لائسنس کی تجدید کا عمل انتہائی آسان بنایا جائے گا۔
ڈاکٹر عثمان انور کا مزید کہنا تھا کہ سسٹم کے ذریعے شہری اب گھر بیٹھے آن لائن لرننگ ڈرائیونگ لائسنس کی سہولت سے مستفید ہو سکیں گے اوور لوڈ کے باعث لائسنس کے اجراء کے نظام میں خلل کا خدشہ دور ہو گیا ہے۔
آئی جی پنجاب ڈاکٹر عثمان انور نے چیئرمین پی آئی ٹی بی فیصل یوسف کے ہمراہ خصوصی پیغام بھی جاری کیا جس میں کہا گیا کہ شہریوں کے لیے آن لائن لرنر آن ویب ایپ سروس اتوار سے پنجاب کے تھانوں کے فرنٹ ڈیسک پر شروع کی جا رہی ہے۔ لرنر لائسنس بنانے کی سہولت بھی اتوار سے شروع کر دی جائے گی۔
آئی جی پنجاب نے کہا کہ 50 سال سے زائد عمر کے شہریوں کی میڈیکل تصدیق کی سہولت بھی اتوار کو شام 6 بجے سے لبرٹی سروس سنٹر میں فراہم کر دی جائے ﻻگی۔
