اردو ورلڈ کینیڈا ( ویب نیوز ) آئی سی سی ٹی ٹوئنٹی ورلڈ کپ 2024 ختم ہونے والا ہے اور کرکٹ کی دنیا کو اس سال کے ورلڈ کپ کا چیمپئن بھی ملے گا۔افغانستان اور بنگلہ دیش کے درمیان آج کے میچ کے بعد افغانوں کی فتح سے فیصلہ ہو گیاکہ سیمی فائنل میں کون سی چار ٹیمیں آمنے سامنے ہوں گی۔اسپنر راشد خان کی قیادت میں افغانستان نے بنگلہ دیش کو 8 رنز سے شکست دے کر تاریخ میں پہلی بار سیمی فائنل تک رسائی حاصل کی جس کے بعد دنیا نے ان کی خوشی دیکھی۔متعدد بار کی چیمپئن آسٹریلیا ورلڈ کپ سے باہر ہو گئی، افغانستان نے تاریخ رقم کی اور سیمی فائنل میں پہنچ گئی۔
اس سے قبل انگلینڈ، جنوبی افریقہ اور بھارت پہلے ہی سیمی فائنل میں پہنچ چکے ہیں۔اب سوال یہ پیدا ہوتا ہے کہ کون سی ٹیم کس کے خلاف میچ کھیلے گی۔پہلا سیمی فائنل جنوبی افریقہ اور افغانستان کے درمیان جمعرات 27 جون کو پاکستان کے وقت کے مطابق صبح 5:30 بجے کھیلا جائے گا۔دوسرا سیمی فائنل بھارت اور انگلینڈ کے درمیان جمعرات 27 جون کو پاکستانی وقت کے مطابق شام 7:30 بجے کھیلا جائے گا۔