Imran 
اردو ورلڈ کینیڈا ( ویب نیوز ) برطانوی چینل آئی ٹی وی نے پاکستان سےچینل 3 ناؤ ویب سائٹ کے لیے کام کرنے والے شخص کا نام فرحان عزیز بتایا ہے۔برطانوی چینل کا کہنا ہے کہ جب اس کی ٹیم نے فرحان عزیز سے رابطہ کیا تو ان کا کہنا تھا کہ یہ جعلی خبر انہوں نے نہیں لکھی بلکہ جن لوگوں نے اسے بغیر چیک کیے لکھا یا ویب سائٹ پر ڈال دیا انہیں نوکری سے نکال دیا گیا ہے۔آئی ٹی وی نے کہا کہ فرحان عزیز سے رابطہ کرنے کے بعد چینل تھری ناؤ کی ویب سائٹ ڈاؤن ہے۔
ابھی تک یہ واضح نہیں ہے کہ برطانیہ میں حالیہ فسادات کا سبب بننے والی جعلی خبریں کہاں سے آئیں۔چند روز قبل برطانوی نشریاتی ادارے بی بی سی کی تحقیقاتی رپورٹ میں کہا گیا تھا کہ چینل تھری ناؤ ایک کمرشل آپریشن ہے جو جرائم کی خبریں اکٹھا کرتا ہے اور سوشل میڈیا سے پیسے کماتا ہے۔ویب سائٹ انتظامیہ کے مطابق اس ویب سائٹ کے لیے امریکا، برطانیہ، پاکستان اور بھارت میں 30 سے زائد افراد کام کرتے ہیں، جعلی خبروں کی ذمہ دار برطانیہ کی ٹیم ہے۔اس جعلی خبر میں یہ جھوٹی خبر دی گئی کہ برطانوی شہر ساؤتھ پورٹ میں 3 لڑکیوں کو قتل کرنے والا شخص مسلمان تارک وطن تھا، جب کہ حقیقت یہ تھی کہ واقعے کے 17 سالہ ملزم کا تعلق روانڈا سے تھا۔
