انہوں نے کہا کہ امریکہ اس تنازع کو بڑھتا ہوا نہیں دیکھنا چاہتا، کشیدگی کو کم کرنے کے لیے اتحادیوں اور شراکت داروں سے مشاورت جاری ہے.
اس سے قبل امریکی وزیر خارجہ انتھونی بلینکن نے ایران پر اسرائیل کے حملے کی خبر پر تبصرہ کرنے سے انکار کرتے ہوئے کہا تھا کہ واشنگٹن کسی جارحانہ کارروائی میں ملوث نہیں ہے
دوسری جانب غیر ملکی میڈیا رپورٹس کے مطابق ایران کے صوبہ اصفہان پر اسرائیل کے میزائل حملوں کے بعد امریکی حکام نے نام ظاہر نہ کرنے کی شرط پر امریکی میڈیا کو بتایا کہ اسرائیل نے امریکہ کو ایران پر حملے کے منصوبے کے بارے میں پیشگی وارننگ دی تھی
واضح رہے کہ اسرائیل نے کل ایران پر ڈرون حملہ کیا تھا جس کے بعد ایران کے فضائی دفاعی میزائل سسٹم کو فعال کر دیا گیا تھا اور دفاعی نظام نے اصفہان کے فوجی اڈے پر فائر کیے گئے تین ڈرونز کو تباہ کر دیا تھا.
اس سلسلے میں اقوام متحدہ کے سیکرٹری جنرل انتونیو گوٹیرس نے کہا ہے کہ اب وقت آگیا ہے کہ مشرق وسطیٰ میں انتقامی کارروائیوں کو روکا جائے جبکہ یورپی یونین نے فریقین سے تحمل کا مظاہرہ کرنے کو کہا ہے.
