اردو ورلڈ کینیڈا ( ویب نیوز ) چیمپئنز ٹرا فی کیلئے انگلینڈ کے زخمی آل راؤنڈر جیکب بیتھل کا متبادل کون ؟ برطانوی کرکٹ بورڈ نے اعلان کر دیا.

انگلینڈ کرکٹ ٹیم کے نوجوان آل راؤنڈر جیکب بیتھل انجری کے باعث آئی سی سی چیمپئنز ٹرافی سے باہر ہو گئے ہیں۔جیکب بیتھل بھارت کے خلاف ون ڈے سیریز کے دوران ہیمسٹرنگ انجری کا شکار ہو گئے تھے۔ وہ چیمپئنز ٹرافی کے لیے انگلش ٹیم کا حصہ تھے۔تاہم اب انگلینڈ نے جیکب بیتھل کی جگہ ٹام بینٹن کو چیمپئنز ٹرافی کے اسکواڈ میں شامل کیا ہے۔دائیں ہاتھ کے بلے باز ٹام بینٹن نے آخری بار 2020 میں ایک روزہ بین الاقوامی میچ کھیلا تھا۔واضح رہے کہ جیکب بیتھل چیمپئنز ٹرافی سے باہر ہونے والے گیارہویں کھلاڑی ہیں۔ اس سے قبل پاکستان کے صائم ایوب، بھارت کے جسپریت بمراہ اور افغانستان کے اے ایم غضنفر بھی ایونٹ سے باہر ہوچکے ہیں۔اس کے علاوہ جنوبی افریقہ کے اینریک نوکیا اور جیرالڈ کوٹزی، آسٹریلیا کے پیٹ کمنز، جوش ہیزل ووڈ، مچل اسٹارک، مچل مارش اور اسٹوئنس بھی ایونٹ سے باہر ہو گئے ہیں۔آئی سی سی چیمپئنز ٹرافی 19 فروری سے پاکستان میں شروع ہو رہی ہے۔