Imran 
اردو ورلڈ کینیڈا ( ویب نیوز ) برطانوی ٹیک ٹائیکون مائیک لنچ اور ان کی بیٹی اٹلی کے ساحل پر لگژری یاٹ الٹنے کے بعد 6 لاپتہ افراد کو تلاش کر رہے ہیں۔لاپتہ ہونے والوں میں برطانوی ٹیک ٹائیکون مائیک لنچ، مورگن اسٹینلے انٹرنیشنل کے چیئرمین جوناتھن بلومر اور ممتاز امریکی وکیل کرس مورویلو شامل ہیں۔برطانوی ٹیک ٹائیکون مائیک لنچ کی 18 سالہ بیٹی ہننا، جوناتھن بلومر اور کرس مورویلو کی بیویاں بھی لاپتہ ہونے والوں میں شامل ہیں۔ایک شخص، جس کی شناخت کشتی کے باورچی کے طور پر کی گئی، لگژری یاٹ کے ڈوبنے سے ہلاک ہو گیا جب کہ اس میں سوار دیگر 15 افراد کو بچا لیا گیا۔
برطانوی ساختہ بیسین کشتی میں 22 افراد سوار تھے، کشتی طوفان کے باعث گر کر تباہ ہوئی۔اطالوی حکام کا کہنا تھا کہ حادثے میں مزید افراد کے زندہ بچ جانے کی امید دم توڑ رہی ہے، خدشہ ہے کہ لاپتہ افراد کی لاشیں کشتی میں پھنسی ہوئی ہیں۔کشتی کے کپتان نے بتایا کہ طوفان کی زد میں آنے کے بعد کشتی دو منٹ سے بھی کم وقت میں الٹ گئی اور ڈوب گئی جس سے اندر موجود لوگوں کے لیے اپنی جان بچانے کا وقت نہیں بچا۔
