اردوورلڈکینیڈا ( ویب نیوز )نگران وزیراعظم انوار الحق کاکڑ کی تقریب حلف برداری 14 اگست (پیر) کو ہوگی، تقریب حلف برداری میں شرکت کے لیے مہمانوں کی فہرستیں تیار کرلی گئی ہیں۔ذرائع کے مطابق سبکدوش ہونے والے وزیراعظم شہباز شریف بھی تقریب حلف برداری میں شرکت کریں گے، سابق حکومت کے اہم عہدیداروں اور اتحادی حکومت کے سابق وزراء کو دعوت نامے بھیجے جارہے ہیں۔
دعوت نامے چیئرمین سینیٹ، اسپیکر قومی اسمبلی، چیف جسٹس آف پاکستان، چیئرمین جوائنٹ چیفس آف اسٹاف کمیٹی، سروسز چیفس، چیف الیکشن کمشنر کو بھی بھیجے گئے ہیں۔
ذرائع کے مطابق تقریب حلف برداری میں چاروں صوبائی گورنرز اور نگرا ن وزرائے اعلیٰ کو بھی مدعو کیا جا رہا ہے۔