اردو ورلڈ کینیڈا ( ویب نیوز ) وزیراعلیٰ پنجاب مریم نواز کو اولمپک گولڈ میڈلسٹ ارشد ندیم کے گھر پہنچیں اور پاکستانی کھلاڑی کو خراج تحسین پیش کیا۔مریم نواز نے ارشد ندیم کی والدہ کو گلے لگایا، بچوں سے پیار کیا اور پنجاب حکومت کی جانب سے 10 کروڑ روپے کا چیک بھی دیا۔اس کے علاوہ پنجاب حکومت نے ارشد ندیم کو خصوصی نمبر پلیٹ والی گاڑی بھی تحفے میں دی، گاڑی کی نمبر پلیٹ ان کے اولمپکس میں 92.97 کے ریکارڈ تھرو کے خلاف درج کی گئی۔
دراصل ارشد ندیم کو انعامی کار کی نمبر پلیٹ اپنے تھروئیر 92.97 کے مطابق رجسٹرڈ کروائی گئی، یہ سب سے پہلے سابق پاکستانی کرکٹر اور جیو نیوز کے تجزیہ کار سکندر بخت نے تجویز کیا تھا۔چند روز قبل نجی ٹی وی کے پروگرام میں گفتگو کرتے ہوئے سکندر بخت نے کہا تھا کہ اگر ارشد ندیم کو انعام کے طور پر گاڑی دی جائے تو اس کی نمبر پلیٹ ان کی تھرو یعنی 92.97 ہونی چاہیے۔
