اردوورلڈ کینیڈا( ویب نیوز)بالی ووڈ اسٹار اجے دیوگن اور اداکارہ تبو کی نئی رومانوی فلم ‘اوروں میں کہاں دم تھا باکس آفس پر راج کرنے میں ناکام رہی۔
بھارتی میڈیا کے مطابق 2 اگست کو ریلیز ہونے والی فلم باکس آفس پر دو دنوں میں صرف 4 کروڑ روپے کما سکی ہے۔
رپورٹس میں بتایا گیا کہ اجے دیوگن نے ریلیز سے قبل مختلف سوشل میڈیا پلیٹ فارمز پر فلم کی تشہیری مہم بھی چلائی تھی لیکن اس کے باوجود ان کی فلم ناکام ہوتی نظر آرہی ہے۔
مختلف میڈیا رپورٹس میں یہ بھی کہا گیا کہ فی الحال! فلم ‘اور وںمیں کہاں دم تھا کے بارے میں یہ کہنا مشکل ہے کہ یہ آنے والے دنوں میں باکس آفس پر زیادہ بزنس کرے گی۔
فلم میں ایک شخص (اجے دیوگن) کو دکھایا گیا ہے جو دوہرے قتل کے جرم میں 23 سال قید کاٹنے کے بعد جیل سے رہا ہوتا ہے۔
کہانی رشتوں کی پیچیدگیوں اور انسانی نفسیات کا احاطہ کرتی ہے، فلم کی کاسٹ میں اجے دیوگن اور تبو، جمی شیر گل، سائی منجریکر اور شانتنو مہیشوری شامل ہیں۔
واضح رہے کہ فلم کی ریلیز 5 جولائی کو شیڈول تھی لیکن پربھاس کی سائنس فکشن فلم ‘کالکی 2898’ کی زبردست کامیابی کے بعد اس کی ریلیز ملتوی کر دی گئی تھی۔
87
