اردو ورلڈ کینیڈا ( ویب نیوز ) برطانوی عام انتخابات کے دوران انگلینڈ میں مسلم خواتین امیدواروں کو اپنی ہی نفرت کا سامنا ہے۔غیر ملکی خبر رساں ادارے کی رپورٹ کے مطابق برطانوی انتخابات میں مسلم ووٹوں کو خاص اہمیت حاصل ہے لیکن ایک طرف خواتین امیدواروں کے انتخاب کے معاملے میں بڑی سیاسی جماعتوں کی جانب سے غلط استعمال کے دعوے کیے جاتے رہے ہیں تو دوسری جانب مسلم خواتین میدواروں کو اپنی نفرت کا سامنا ہے۔
اس کے علاوہ سکاٹ لینڈ میں پاکستانی امیدواروں کی بھرپور انتخابی مہم جاری ہے، دارالعوام کے الیکشن میں سکاٹ لینڈ سے 14 مسلمان اور پاکستانی نژاد امیدوار میدان میں ہیں۔برطانیہ کے دوسرے بڑے شہر برمنگھم میں سیاسی صورتحال تبدیل ہو گئی ہے اور دعویٰ کیا جا رہا ہے کہ انتخابات کے دوران بڑے برج گر سکتے ہیں ،واضح رہے کہ برطانوی وزیراعظم رشی سونک نے ملک میں عام انتخابات 4 جولائی کو کرانے کا اعلان کیا ہے۔
