Imran 
پی سی بی کا موقف ہے کہ ایک اسٹریٹجک اقدام کے تحت بورڈ نے کھلاڑیوں کی اعلیٰ کارکردگی کو یقینی بنانے کے مقصد سے سفید گیند کی قیادت کو تبدیل کیا ہے۔بورڈ کے مطابق یہ فیصلہ گزشتہ دو سالوں میں فاسٹ بولرز کی انجری کے پیش نظر کیا گیا ہے، کام کے بوجھ کو مدنظر رکھتے ہوئے یہ فیصلہ اس بات کو یقینی بنائے گا کہ پاکستان کے اہم بولرز اپنی پرفارمنس پر مرکوز رہیں۔پی سی بی نہیں چاہتا کہ قومی ٹیم باؤلنگ کے وسائل کے لحاظ سے انجری کے بحران کا شکار ہو جیسا کہ آئی سی سی ٹی ٹوئنٹی 20 ورلڈ کپ 2022 اور آئی سی سی ورلڈ کپ 2023 کے رن اپ میں دیکھا گیا ہے۔ادھر شاہین شاہ آفریدی کا کہنا ہے کہ پاکستان قومی کرکٹ ٹیم کی کپتانی کرنا اعزاز کی بات ہے۔
میں ان یادوں اور مواقع کو ہمیشہ یاد رکھوں گا۔ بطور ٹیم کھلاڑی یہ میرا فرض ہے کہ میں اپنے کپتان بابر اعظم کو سپورٹ کروں۔شاہین آفریدی نے کہا کہ میں بابر اعظم کی کپتانی میں کھیل چکا ہوں اور ان کے لیے عزت رکھتا ہوں۔ میں میدان میں اور باہر ان کی مدد کرنے کی کوشش کروں گا، ہم سب ایک ہیں۔ ہمارا مقصد ایک ہی ہے اور وہ ہے پاکستان کو دنیا کی بہترین ٹیم بنانے میں مدد کرنا۔واضح رہے کہ بابر اعظم اپنی قائدانہ صلاحیتوں اور شاندار مستقل مزاجی سے ٹیم کی قیادت کرنے کے لیے پوری طرح لیس ہیں۔
ان کا ماضی کا کپتانی ریکارڈ خود بولتا ہے۔ ان کی قیادت میں پاکستان نے آئی سی سی ٹی ٹوئنٹی ورلڈ کپ 2021 میں پہلی بار بھارت کو شکست دی۔2022 کے T20 ورلڈ کپ میں انہوں نے ٹیم کو فائنل تک پہنچایا۔ 2009 کے بعد ورلڈ کپ میں یہ پاکستان کا پہلا فائنل تھا۔ بطور کپتان ان کی تقرری پی سی بی کے ان کی قیادت اور ٹیم کو کامیابی سے ہمکنار کرنے کی صلاحیت پر اعتماد کی عکاسی کرتی ہے۔
بابر اعظم کا کہنا ہے کہ حالیہ ٹی ٹوئنٹی سیریز میں شاہینوں کی قیادت میں کھیلنا خوشی کی بات ہے۔ وہ اب بھی جوان ہے اور ایک کھلاڑی اور لیڈر کے طور پر ہر روز بہتر ہو رہا ہے۔بابر اعظم نے کہا کہ بطور کپتان میں نے ہمیشہ شاہین کے مشوروں کو قدر کی نگاہ سے دیکھا اور آئندہ بھی ان سے مشورہ کرتا رہوں گا۔ ہمیں کھیل کے بارے میں ان کی اسٹریٹجک سمجھ سے فائدہ اٹھانا چاہیے۔ ہمارا مشترکہ مقصد اس ٹیم کو دنیا کی بہترین ٹیم بنانا ہے۔
