شپنگ کمپنیوں کا کہنا ہے کہ بحیرہ احمر میں سیکیورٹی کی صورتحال خراب ہوتی جارہی ہے، بحیرہ احمر میں خدمات فی الحال معطل رہیں گی۔امریکی اور برطانوی جنگی جہازوں نے گزشتہ رات حوثیوں کے 15 ڈرون حملوں کو ناکام بنانے کا دعویٰ کیا ہے۔واضح رہے کہ حماس اور اسرائیل کے درمیان 7 اکتوبر سے جاری جنگ کے بعد حوثیوں نے حالیہ ہفتوں میں بحری جہازوں پر اپنے حملوں میں تیزی لائی ہے۔

حوثیوں نے اسرائیل کی جانب ڈرون اور میزائل بھی داغے۔یمن کے بیشتر حصے پر قابض حوثی باغیوں نے اس وقت تک اپنے حملے جاری رکھنے کا عزم کیا ہے جب تک اسرائیل غزہ میں اپنی جارحیت ختم نہیں کرتا۔ تاہم، انہوں نے جمعہ کو کہا کہ وہ صرف اسرائیلی بندرگاہوں کے لیے جانے والے جہازوں کو نشانہ بناتے ہیں۔