بھارتی میڈیا کے مطابق یہ واقعہ نئی دہلی کے علاقے سندر نگری میں پیش آیا جہاں 26 سالہ مسلمان نوجوان اسرار نے مبینہ طور پر مندر سے پرساد کھایا جس کے بعد وہاں موجود لوگوں نے اس پر چوری کا الزام لگا کر اسے باندھ دیا۔ بھارتی میڈیا کے مطابق مشتعل افراد نے نوجوان پر چوری کا الزام لگایا اور اسے شدید تشدد کا نشانہ بنایا، جس کے باعث وہ موقع پر ہی جاں بحق ہوگیا، جب کہ واقعے کی ویڈیو بھی سوشل میڈیا پر وائرل ہوئی، جس میں نوجوان ایک کھمبے اور لاٹھیوں سے بندھا ہوا ہے۔
یہ بھی پڑھیں
بھارت کی مسلم دشمنی ،جشن، میلاد النبیؐ کیلئے گلیاں سجانے پر ہندو انتہا پسندوں کا خواتین پر تشدد
پولیس نے بتایا کہ نوجوان پر مندر سے 20 روپے چرانے کا بھی الزام ہے۔نوجوان کے والد نے پولیس کو بتایا کہ اس کے بیٹے کو اس کے پڑوسی گھر لے آئے اور واقعہ کے بارے میں بتایا۔ اسرار کے جسم پر شدید چوٹیں تھیں اور وہ ہسپتال لے جانے سے پہلے ہی دم توڑ گیا۔پولیس کا کہنا ہے کہ واقعے کی تفتیش شروع کردی گئی ہے اور اس میں ملوث افراد کی شناخت کا عمل جاری ہے جس کے بعد جلد ملزمان کو گرفتار کرلیا جائے گا۔
