اردو ورلڈ کینڈا( ویب نیوز ) نیند میں باتیں کیوں کی جاتی ہیں ماہرین ابھی تک یہ حتمی طور پر نہیں جان سکے لیکن تحقیقی رپورٹس میں اس حوالے سے کچھ اشارے ضرور سامنے آئے ہیں۔
نیند میں باتیں کرنا بچوں میں زیادہ عام ہے، لیکن یہ ہر عمر کے لوگوں کو ہو سکتا ہے۔2010 کے ایک مطالعے میں بتایا گیا ہے کہ دو تہائی بالغ افراد اپنی زندگی میں کم از کم ایک بار نیند میں بات کرتے ہیں۔
ایک تحقیق سے معلوم ہوا ہے کہ بیداری اور نیند کے دوران بات کرنے کے انداز میں مماثلت پائی جاتی ہے۔یعنی لوگ روزمرہ کی زندگی میں بات کرنے کے اصولوں پر عمل کرتے ہیں، وہ نیند کے دوران بھی ان اصولوں پر عمل کرتے ہیں۔
عادت یادداشت کو منظم کرنے کے عمل سے بھی منسلک
نیند کے دوران، ہمارا دماغ روزمرہ کے تجربات پر نظرثانی کرتا ہے اور اہم تجربات کو طویل مدتی یادداشت کا حصہ بناتا ہے۔
پرانی یادیں
ایک تحقیق میں بتایا گیا ہے کہ نیند کے دوران باتیں کرنا بنیادی طور پر ان یادوں کو زبانی طور پر دہرانا ہے۔بالغوں میں بعض عوارض اور حالات بھی نیند کی باتیں کرنے کا سبب بنتے ہیں۔مثال کے طور پر، یہ عادت نسل در نسل منتقل ہو سکتی ہے، جبکہ کچھ ماہرین اسے خراٹوں سے جوڑتے ہیں۔
نیند کی کمی
اسی طرح نیند کی کمی کا شکار لوگ اکثر نیند کے دوران باتیں کرتے ہیں۔
چند دلچسپ حقائق
ویسے تو لوگ کچھ بھی کہہ سکتے ہیں لیکن ایک تحقیق سے معلوم ہوا ہے کہ اکثر لوگ نیند کے دوران لفظ "نہیں” سب سے زیادہ استعمال کرتے ہیں۔
پوشیدہ راز
ایک دلچسپ حقیقت یہ ہے کہ لوگ نیند کے دوران جن چیزوں کے بارے میں بات کرتے ہیں وہ عموماً ان کی زندگی کے پوشیدہ راز نہیں ہوتے بلکہ ممکنہ طور پر وہ اپنے خوابوں کو بیان کر رہے ہوتے ہیں۔
نیند میں بات کرنا بند کر دینا ممکن ہے؟
یہ ایک بے ضرر عادت سمجھی جاتی ہے لیکن گھر والے اسے زیادہ پسند نہیں کرتے۔اس لیے کسی شخص کو نیند میں بات کرنے سے روکنے کا سب سے آسان طریقہ یہ ہے کہ اسے ہلکے سے ہلائیں۔جیسا کہ اوپر بتایا گیا ہے کہ نیند کی کمی کا شکار افراد میں یہ عادت زیادہ پائی جاتی ہے، اس لیے اچھی نیند اس پر قابو پانا آسان بناتی ہے۔؎
