اردوورلڈ کینیڈا( ویب نیوز)ٹک ٹاک پر جوئے کی ترغیب دینے کے الزام میں مشہور  یوٹیوبرڈکی بھائی کو گرفتار کر لیا گیا ہے۔ پولیس کے مطابق ملزم کو گزشتہ روز گرفتار کر کے عدالت میں پیش کیا گیا، جہاں عدالت نے اسے دو روزہ جسمانی ریمانڈ پر پولیس کے حوالے کر دیا۔

پولیس کا کہنا ہے کہ ڈکی بھائی نے سوشل میڈیا پلیٹ فارم ٹک ٹاک کے ذریعے نوجوانوں اور دیگر افراد کو جوئے میں حصہ لینے کی ترغیب دی، جس کی نگرانی کے لیے تحقیقات جاری ہیں۔ ابتدائی چھان بین میں پتہ چلا ہے کہ اس سرگرمی کے دوران مالی نقصانات بھی متعدد افراد کو پہنچے۔

تحقیقات میں یہ بھی سامنے آیا ہے کہ ڈکی بھائی نے جوئے کے فروغ کے لیے مختلف ویڈیوز اور لائیو سٹریمز کے ذریعے لوگوں کو متاثر کیا، جس پر سوشل میڈیا اور عوام میں سخت ردعمل آیا۔ پولیس حکام کا کہنا ہے کہ جسمانی ریمانڈ کے دوران ڈکی بھائی سے مزید شواہد اور معلومات حاصل کی جائیں گی تاکہ کیس کی تمام جہات سامنے آ سکیں۔

ملزم کی گرفتاری کے بعد سوشل میڈیا صارفین اور عام عوام نے اس پر سخت تنقید کی اور کہا کہ نوجوان نسل کو اس طرح کے اقدامات سے محفوظ رکھنے کے لیے سخت اقدامات کیے جائی۔