اردو ورلڈ کینیڈا ( ویب نیو ز ) بھارت نےفرانسیسی آڈیٹر کو رافیل طیاروں تک رسائی دینے سے انکار کر دیا ، ہندوستان کو خدشہ ہے کہ فرانسیسی آڈیٹرز کا اصل مقصد ہندوستانی فضائیہ کو خراب کارکردگی کا ذمہ دار ٹھہرانا ہے۔
بھارت نے آپریشن بنیان مارسس کے دوران پاکستان کے ہاتھوں اپنی ذلت آمیز شکست کو بے نقاب کرنے کے خوف سے فرانسیسی آڈیٹرز کو رافیل جیٹ طیاروں تک رسائی دینے سے انکار کر دیا۔امریکی میگزین دی نیشنل انٹرسٹ نے ایک رپورٹ میں کہا ہے کہ رافیل، ڈسالٹ بنانے والی فرانسیسی کمپنی طیارے میں کسی بھی ممکنہ خرابی کا اندازہ لگانے کے لیے ہندوستان آنا چاہتی ہے۔جریدے نے اپنی رپورٹ میں مزید کہا کہ ہندوستان کو خدشہ ہے کہ فرانسیسی آڈیٹرز کا اصل مقصد بھارتی فضائیہ کو خراب کارکردگی کا ذمہ دار ٹھہرانا ہے۔رپورٹ کے مطابق اس ساری صورتحال میں بھارت نے فرانسیسی آڈیٹرز کو رافیل جیٹ طیاروں تک رسائی دینے سے صاف انکار کر دیا ہے۔
ہندوستان کے فرانسیسی ساختہ رافیل جیٹ طیاروں کو تباہ کر دیا گیا، جس پر فرانسیسی فوج نے اپنے ابتدائی ردعمل میں کہا کہ وہ رافیل کی کارکردگی سے متعلق صورتحال کا بغور جائزہ لینے کے لیے ہندوستان سے براہ راست معلومات حاصل کرنے کی کوشش کر رہی ہے۔بین الاقوامی خبر رساں ایجنسی کے مطابق فرانسیسی فوج کے ترجمان نے ایک پریس بریفنگ میں کہا کہ جنگ میں بہت سے طیاروں نے حصہ لیا، اس لیے بہت سے پہلوؤں کی تصدیق ہونا باقی ہے اور واقعے کی تفصیلات غیر یقینی ہیں۔تاہم انہوں نے یہ بھی کہا کہ فرانس اس سے زیادہ سے زیادہ سیکھنے کا خواہاں ہے۔. اگر رافیل طیارے کو واقعی مار گرایا جاتا ہے، تو یہ دو دہائیوں کی آپریشنل سروس میں اس طرح کا پہلا واقعہ ہوگا۔یاد رہے کہ پاکستانی فضائیہ نے مسجد کی تباہی اور بھارتی جارحیت میں بے گناہ شہریوں کی قیمتی جانوں کے ضیاع کے جواب میں 6 بھارتی طیارے مار گرائے تھے۔یاد رہے کہ بھارت نے فرانس سے 36 جدید رافیل طیارے خریدے تھے جن میں سے 3 کو پاکستان نے حالیہ جنگ میں تباہ کر دیا تھا۔
