اردو ورلڈ کینیڈا ( ویب نیوز ) ایک تحقیق میں یہ بات سامنے آئی ہے کہ خواتین مردوں کے مقابلے دل کے دورے سے دوگنا مرتی ہیں۔
پرتگال میں 884 مردوں اور عورتوں کے مطالعے میں، محققین نے پایا کہ خواتین کے دل کے دورے سے بچنے کے امکانات کم تھے۔
ان تمام افراد کو انتہائی خطرناک قسم کے ہارٹ اٹیک )جس میں دل کو خون فراہم کرنے والی ایک رگ بند ہو جاتی ہے ( کے باعث ہسپتال میں منتقل کیا گیا تھا ،تمام مریضوں کی بلاک شدہ رگ کو کھولنے کے لیے انجیو پلاسٹی کی گئی اور خون کو آزادانہ طور پر گردش کرنے کے لیے ایک سٹینٹ ڈالا گیا۔ علامات شروع ہونے کے 48 گھنٹوں کے اندر ان مریضوں پر انجیو پلاسٹی کی گئی اور ان مریضوں میں شرح اموات کا تعین کرنے کے لیے ایک مطالعہ شروع کیا گیا۔
یہ بھی پڑھیں
غذائیں جو خواتین کو امراض قلب سے محفوظ رکھ سکتی ہیں
یورپی سوسائٹی آف کارڈیالوجی کی سائنٹیفک کانگریس ہارٹ فیلور 2023 میں پیش کیے جانے والے اس مطالعے کے نتائج سے پتہ چلتا ہے کہ خواتین کے 30 سال کی عمر میں اس مرض میں مبتلا ہونے کے بعد مرنے کا امکان 2.8 گنا زیادہ تھا۔اس موقع پر 11.8 فیصد خواتین کی موت ہوئی جبکہ مردوں کی شرح اموات 4.6 فیصد رہی۔خواتین کے دل کے دورے سے مرنے کا خطرہ بھی زیادہ ہوتا ہے، شاید اس لیے کہ ان کو دل کا دورہ پڑنے کا رجحان اس وقت ہوتا ہے جب وہ بڑی عمر میں ہوتی ہیں اور عام طور پر مردوں کی نسبت خراب صحت میں ہوتی ہیں۔
اس تحقیق کی مرکزی مصنفہ ڈاکٹر ماریانا مارٹنہو نے کہا کہ ہر عمر کی خواتین جو ہارٹ اٹیک کا شکار ہوتی ہیں ان کی صحت خراب ہونے کا خطرہ بڑھ جاتا ہے۔انہوں نے کہا کہ ان خواتین کو اس طبی حالت میں مبتلا ہونے کے بعد بلڈ پریشر، کولیسٹرول اور ذیابیطس کو سختی سے کنٹرول کرنے کی ضرورت ہے۔
