اردو ورلڈ کینیڈا ( ویب نیوز ) چیئرمین پی ٹی آئی عمران خان کی سابق اہلیہ جمائما خان نے کہا ہے کہ میں جان بوجھ کر سیاسی معاملات سے دور رہتی ہوں ، مجھے اپنی زندگی میں سیاست کی کوئی ضرورت نہیں اور سیاسی لڑائیوں سے دور رہنے کی کوشش کرتی ہوں ، انہوں نے پاکستان میں گزارے 10 سال کے بارے میں جذباتی انداز میں بات کرتے ہوئے بتایا کہ وہ جان بوجھ کر سیاسی معاملات سے دور رہتی ہیں تاکہ سیاست سے متعلق تنازعات سے دور رہیں۔
یاد رہے کہ دو ہفتے قبل جمائما خان اور ان کے بھائی بین گولڈ اسمتھ نے پاکستان کے سیلاب زدگان کے لیے 150,000 پاؤنڈ سے زائد رقم جمع کرنے کے لیے اقوام متحدہ کے بین الاقوامی چلڈرن ایمرجنسی فنڈ (UNICEF)، پاکستان فلڈز اپیل اور پاکستان انوائرمنٹ ٹرسٹ کی مدد کی تھی۔ بہن بھائیوں نے گزشتہ رات وسطی لندن میں چیریٹی ڈنر کا اہتمام کیا جس میں 100 سے زائد پاکستانی اور ہندوستانی معززین نے شرکت کی۔ سیم ناز، ذیشان شاہ، مشیر برائے بیرون ملک سرمایہ کاری پاکستان اور پاکستان میں سابق برطانوی ہائی کمشنر ایڈم تھامسن بھی موجود تھے۔
یونیسیف کی سفیر کے طور پر، جمائما نے کہا کہ وہ آفت سے متاثرہ بچوں اور خاندانوں کی مدد کے لیے اہم فنڈز اکٹھا کرنے میں مدد کر رہی ہیں۔ انہوں نے مزید کہا کہ پاکستان انوائرمنٹ ٹرسٹ، جسے میرے بھائی بین نے قائم کیا تھا، ایک ایسے ملک میں موسمیاتی تبدیلیوں سے نمٹنے کے لیے کام کر رہا ہے جسے عالمی ماحولیاتی بحران کے کچھ مشکل ترین اثرات کا سامنا ہے، جس کی دو بڑی وجوہات ہیں۔ پہلے سے زیادہ جس چیز کی ضرورت ہے وہ مالی مدد کی ہے، اس لیے بین اور میں پاکستان کے لوگوں کے لیے بیداری پیدا کرنے اور انتہائی ضروری فنڈز جمع کرنے پر خوش ہیں۔
