اردو ورلڈ کینیڈا ( ویب نیوز )امریکی سکیورٹی ماہر اور تجزیہ کار کرسٹین فیئر نے ایک پروگرام سے خطاب کرتے ہوئے کہا کہ جس طرح ہندوستانیوں کا ماننا ہے کہ کشمیر میں ہونے والی ہر چیز کے پیچھے پاکستان کا ہاتھ ہے۔

اسی طرح پاکستانیوں کا خیال ہے کہ ہر دہشت گردانہ حملے کے پیچھے بھارت کا ہاتھ ہے، خاص طور پر بلوچستان میں۔کرسٹین فیر نے کہا کہ ہندوستانی ناظرین اس کے بارے میں بات نہیں کرتے، وہ یہ بھی نہیں سننا چاہتے کہ بعض اوقات ہندوستان اپنی حدود سے تجاوز کر جاتا ہے۔امریکی دفاعی تجزیہ کار نے کہا کہ بھارتی صحافی اویناش پالیوال نے اپنی کتاب مائی اینمی میں بلوچستان میں بھارتی مداخلت کے ثبوت پیش کیے ہیں۔امریکی دفاعی تجزیہ کار نے پاکستانی طیارے کو مار گرانے کے بھارتی دعوے کو بکواس قرار دیا ہے۔یاد رہے کہ اس سے قبل امریکی دفاعی تجزیہ کار کرسٹین فیئر نے پاکستانی طیاروں کو مار گرانے کے بھارتی دعووں کو بکواس قرار دیا تھا۔ایک پروگرام میں ایک بھارتی صحافی نے پوچھا کہ بھارتی فضائیہ کے ڈی جی ملٹری آپریشنز نے کئی پاکستانی طیاروں کو مار گرانے کا دعویٰ کیا اور کہا کہ ان کے پاس نمبر ہے لیکن وہ اسے ظاہر نہیں کرنا چاہتے۔ آپ یہ کیسے دیکھتے ہیں؟جواب میں کرسٹین فیر نے کہا کہ وہ اسے بکواس سمجھتی ہیں کیونکہ اس دعوے کی کوئی تصدیق نہیں ہے۔