اردو ورلڈ کییڈا ( ویب نیوز  ) ٹیسلا، اسپیس ایکس اور سوشل میڈیا پلیٹ فارم ایکس کے مالک ایلون مسک سٹار لنک کے لیے پاکستانی حکومت کی جانب سے منظوری کے منتظر ہیں۔

ایلون مسک کا کہنا ہے کہ وہ پاکستانی حکومت سے منظوری کے منتظر ہیں جب کہ پی ٹی اے حکام کا کہنا ہے کہ حکومت اور اسٹار لنک کے درمیان بات چیت جاری ہے اور درخواست پر کام ابتدائی مراحل میں ہے۔پی ٹی اے حکام کا کہنا تھا کہ سروس لائسنس کے لیے تکنیکی ضروریات کا جائزہ لیا جا رہا ہے، اور قومی خلائی ایجنسی قومی خلائی پالیسی کے تحت اس کا جائزہ لے رہی ہے۔حکام کا کہنا ہے کہ لائسنس جاری کرنے سے پہلے بہت سے تکنیکی پہلوؤں کا جائزہ لینے کی ضرورت ہوتی ہے، جن میں بینڈوتھ، اپ لنکنگ، گیٹ ویز اور دیگر بہت سی اہم چیزیں شامل ہیں۔پی ٹی اے حکام کے مطابق تمام غیر ملکی سیٹلائٹ سروس فراہم کرنے والوں کا طریقہ کار یہی ہے۔ خلائی ایجنسی سے منظوری کے بعد خدمات فراہم کرنے کے لیے ریگولیٹر کی منظوری درکار ہوگی۔