اردو ورلڈ کینیڈا ( ویب نیوز)موسم کی تبدیلی کے ساتھ ہی خیبرپختونخوا کے بعض اضلاع میں ڈینگی وائرس بڑھنے لگا۔

محکمہ صحت کے مطابق صوبے کے تین اضلاع میں اب تک 10 کیسز رپورٹ ہوئے ہیں، مردان میں 8، باجوڑ اور بنوں میں ایک ایک کیس رپورٹ ہوا ہے۔
محکمہ صحت کا کہنا ہے کہ ڈینگی ایکشن پلان کے لیے فنڈز کی فراہمی تاخیر کا شکار ہے، خیبرپختونخوا نے ڈینگی سے بچاؤ کے لیے حکومت سے 35 کروڑ روپے کے فنڈز مانگے ہیں جو تاحال موصول نہیں ہوئے۔
فنڈز کی عدم دستیابی کی صورت میں محکمہ صحت نے رواں سال صوبے میں ڈینگی کے مزید کیسز سامنے آنے کا خدشہ ظاہر کیا ہے۔