8
اردوورلڈ کینیڈا( ویب نیوز)آرمی چیف جنرل سید عاصم منیر نے کہا ہے کہ قوم کی حمایت سے افواج، ملک کے خلاف ہر سازش کو ناکام بنائیں گے۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل سید عاصم منیر نے نارووال اور سیالکوٹ میں تربیتی میدان کا دورہ کیا
آئی ایس پی آر کے مطابق آرمی چیف نے دن جوانوں کے ساتھ گزارا اور جوانوں کے تربیتی معیار، پیشہ ورانہ تیاری اور اعلیٰ جذبے کو سراہا، آرمی چیف نے مشقوں کا معائنہ کیا۔
پاک فوج کے شعبہ تعلقات عامہ کے مطابق آرمی چیف نے دشمن کے کسی بھی حملے سے نمٹنے کے لیے ہمہ وقت تیار رہنے کی اہمیت کو اجاگر کیا۔
اس موقع پر فوجیوں سے گفتگو کرتے ہوئے آرمی چیف جنرل سید عاصم منیر نے کہا کہ مسلح افواج قوم کی حمایت سے ملکی دفاع اور سلامتی کو درپیش کسی بھی خطرے سے نمٹنے کی بھرپور صلاحیت رکھتی ہے۔ تاہم مسلح افواج تمام خطرات سے نمٹنے کی صلاحیت رکھتی ہیں۔
