اردوورلڈ کینیڈا( ویب نیوز)قومی اسمبلی میں قائد حزب اختلاف عمر ایوب نے کہا ہے کہ قومی اسمبلی میں میرے حریف امیدوار نے قومی اسمبلی کے سپیکر ایاز صادق کو ریفرنس بھیجا جنہوں نے بغیر کسی تحقیقات کے الیکشن کمشنر کو ریفرنس بھیج دیا۔.

عمر ایوب نے کہا کہ میرے حریف امیدوار نے 2018 اور 2024 کے انتخابات میں ریٹرننگ آفیسر پر وہی اعتراضات جمع کرائے تھے جنہیں مسترد کر دیا گیا اور پھر پشاور ہائی کورٹ ایبٹ آباد بنچ میں بھی یہی اعتراضات مسترد کر دئیے گئے ۔
اب الیکشن کے ڈیڑھ سال بعد وہ دوبارہ ہوش میں آ یا اور ایاز صادق کے ذریعے الیکشن کمشنر کے پاس گیا۔
انہوں نے کہا کہ سپریم کورٹ آف پاکستان کا فیصلہ ہے کہ چیف الیکشن کمشنر اس کیس کی سماعت نہیں کر سکتے۔
میرے مخالف نے پہلے بھی دھاندلی کی رٹ دائر کی تھی جس کے لیے وہ ثبوت کا ایک ٹکڑا فراہم نہیں کر سکے اور تاریخوں پر حاضر نہیں ہوئے۔
قائد حزب اختلاف کا کہنا تھا کہ میں الیکشن کے دوران اس حلقے میں نہیں آ سکا، میں اپنے والد کے جنازے میں صحیح طریقے سے شرکت نہیں کر سکا، یہ ایک فرمائشی پروگرام ہے، ہم قانونی طور پر الیکشن لڑیں گے، ہم اس سے پیچھے نہیں ہٹیں گے۔