اس موقع پر وزیر داخلہ سرفراز بگٹی نے کہا کہ پاکستان میں غیر قانونی طور پر مقیم غیر ملکیوں کی واپسی کا سلسلہ جاری ہے اور ہدایت کی ہے کہ وطن واپس جانے والوں کے ساتھ انتہائی احترام سے پیش آیا جائے۔

وزیر داخلہ نے کہا کہ رجسٹریشن کے ثبوت اور افغان سٹیشن کارڈ رکھنے والے افراد کے خلاف کوئی کارروائی نہیں کی جا رہی اور اس سلسلے میں کسی قسم کی غفلت اور کوتاہی برداشت نہیں کی جائے گی۔

سرفراز بگٹی نے کہا کہ وزارت داخلہ میں ایک کنٹرول سنٹر اور ایک ہیلپ لائن قائم کی گئی ہے جس کے لیے افغان سفارت خانہ ایک نمائندہ مقرر کرے جو شکایات کے فوری حل کے لیے کنٹرول سینٹر سے رابطے میں رہے۔

وزیر داخلہ نے مزید کہا کہ خواتین اور بچوں کو کراسنگ پوائنٹس پر سہولت کے لیے بائیو میٹرک سے استثنیٰ دیا جائے گا۔