اردو ورلڈ کینیڈا ٰ ( ویب نیوز ) ورلڈ چیمپیئن شپ آف لیجنڈز ٹورنامنٹ میں پاکستان چیمپئنز نے ویسٹ انڈیز کے چیمپئن کو 30 رنز سے شکست دی،برمنگھم میں کھیلے گئے میچ میں پاکستان نے پہلے بیٹنگ کا فیصلہ کیا اور مقررہ 20 اوورز میں 8 وکٹوں پر 194 رنز بنائے۔ پاکستان چیمپئنز کی جانب سے شعیب ملک نے 54 رنز بنائے، شرجیل خان نے 35 رنز بنائے، عامر یامین نے 29 اور شاہد آفریدی نے 16 رنز بنائے۔

یہ بھی پڑھیں

چیمپئنز آف لیجنڈ کرکٹ ٹورنامنٹ پاکستان نے آسٹریلیا کو شکست دیدی

195 رنز کا تعاقب کرتے ہوئے ویسٹ انڈیز چیمپئنز کی ٹیم نے 9 وکٹوں پر 165 رنز بنائے. ڈوین اسمتھ نے 65 اور جوناتھن کارٹر نے 34 رنز بنائے۔پاکستان چیمپئنز کی جانب سے سہیل تنویر نے 4 جبکہ شاہد آفریدی نے 3 اور وہاب ریاض نے 2 وکٹیں حاصل کیں۔واضح رہے کہ یہ ٹورنامنٹ میں پاکستان کی مسلسل دوسری فتح ہے، اس سے قبل گرین شرٹس نے آسٹریلیا کو شکست دی تھی۔