انگلینڈ کی بیٹنگ لائن اپ افغانستان کے خلاف بری طرح ناکام رہی، 285 کے ہدف کے تعاقب میں 215 رنز پر ڈھیر ہو گئی، ہیری بروک 66 رنز کے ساتھ نمایاں رہے۔یہ افغانستان کی تاریخ میں دوسری ورلڈ کپ جیت ہے، اس سے قبل افغانستان نے ورلڈ کپ کے 17 میچ کھیلے، 16 میں شکست اور صرف ایک میں فتح حاصل کی۔اتوار کو انگلینڈ اور افغانستان کے درمیان میچ نئی دہلی کے ارون جیٹلی اسٹیڈیم میں کھیلا گیا جس میں انگلینڈ کے کپتان جوس بٹلر نے ٹاس جیت کر افغانستان کو بیٹنگ کی دعوت دی۔
یہ بھی پڑھیں
ورلڈ کپ ،پاکستان کی بیٹنگ لائن اپ بری طرح فلاپ، پوری ٹیم 191 پر ڈھیر
افغانستان کی ٹیم پہلے بیٹنگ کرتے ہوئے آخری اوور میں 284 رنز بنا کر آل آؤٹ ہوگئی، گرباز نے 80 اور اکرام نے 58 رنز بنائے۔واضح رہے کہ اس سے قبل ٹورنامنٹ میں دونوں ٹیموں کے درمیان دو دو میچ کھیلے گئے تھے، انگلینڈ نے ایک میچ جیتا تھا جب کہ افغان ٹیم کو دونوں میچوں میں شکست کا سامنا کرنا پڑا تھا۔
مزید پڑھیں
ورلڈ کپ میں پاکستان نے اپنے پہلے میچ میں ہالینڈ کو شکست دیدی
انگلینڈ کے خلاف افغانستان کی اننگز کا آغاز شاندار رہا، اوپنر رحمان اللہ گرباز اور ابراہیم زدران کے درمیان پہلی وکٹ کے لیے 114 رنز کی شراکت قائم ہوئی تاہم اس کے بعد ابراہیم کو انگلش بولر عادل رشید نے 28 رنز پر پویلین بھیج دیا۔اس کے علاوہ 3 رنز بنانے کے بعد نئے بلے باز رحمت شاہ بھی عادل رشید کا شکار ہوئے جب کہ رحمان اللہ گرباز بھی 80 رنز بنانے کے بعد رن آؤٹ ہوئے، عظمت اللہ عمرزئی 19 رنز بنا کر لیونگ اسٹون کی گیند پر آؤٹ ہوئے۔
تاہم اکرام علی نے 58 رنز کی اننگز کھیل کر ٹیم کو سہارا دیا، اس کے علاوہ راشد خان نے 23 اور مجیب الرحمان نے 28 رنز بنائے۔اس طرح افغانستان کی پوری ٹیم 49.5 اوورز میں 284 رنز بنا کر آؤٹ ہو گئی۔ انگلینڈ کی جانب سے عادل رشید نے 3 اور مارک ووڈ نے 2 وکٹیں حاصل کیں۔
