اردو ورلڈ کینیڈا ( ویب نیوز ) امریکی ورلڈ ریکارڈ ہولڈر سائیکلسٹ اور 10 بار کے قومی چیمپئن ایتھن بائیس ٹریفک حادثے میں ہلاک ہو گئے۔

ایتھن بائیس نے 35 سے 39 سال کی عمر کے زمرے میں 1000 میٹر ٹائم ٹرائل میں عالمی ریکارڈ اپنے نام کیا۔

پولیس کا کہنا ہے کہ ایتھن واشنگٹن کے علاقے میں سائیکل چلا رہا تھا کہ اسے ایک گاڑی نے ٹکر مار دی، جس سے وہ شدید زخمی ہوا اور بعد میں ہسپتال میں زخموں کی تاب نہ لاتے ہوئے چل بسا۔ پولیس کے مطابق حادثے میں کار ڈرائیور بھی معمولی زخمی ہوا جسے طبی امداد کے لیے اسپتال لے جایا گیا۔