اردو ورلڈ کینیڈا ( ویب نیوز ) صنعاء یمن میں حوثی اکثریتی تنظیم انصار اللہ کی عدالت نے 17 افراد کو سزائے موت سنا دی ہے۔

ملزمان پر الزام ہے کہ انہوں نے سعودی عرب، برطانیہ اور امریکہ کے لیے جاسوسی کی اور حوثی مخالف ممالک کے خفیہ نیٹ ورک کے ساتھ کام کیا۔سرکاری میڈیا رپورٹ کے مطابق، ملزمان نے 2024 سے 2025 کے دوران حساس معلومات فراہم کیں، جن میں سرکاری افسروں اور ان کی نقل و حرکت، حوثی باغیوں کے میزائل سسٹمز، اور اہم تنصیبات کے مقامات شامل تھے۔ ان معلومات کی بنیاد پر فوجی، سکیورٹی اور شہری علاقوں پر حملے کیے گئے، جس میں متعدد افراد ہلاک ہوئے۔عدالتی فیصلے میں کہا گیا ہے کہ تمام مجرموں کو فائرنگ اسکواڈ کے ذریعے سزائے موت دی جائے۔ یہ اقدام یمن میں حوثی حکومت کی جانب سے مخالفین کے خلاف سخت اقدامات کا حصہ ہے۔